ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

شعرلر(12)
سوسن امینی- چئویرن: گولناز

1
خاطیرن
باهارین تراوتی
و تورپاغین اوره‌یینده
تومورجوقلارین اویانیشی.
سسین
یاناقلاریمین اوستونده بوخارلانان-
یاغیش داملالارینین تزه‌لیگی
و چیچکلرین دوغوش سسی؛
سسین
منی یونگولله‌دیب یئریمدن اوینادان
و یولون سونونا قدر امید باغیشلایان
اولدوزلارین نغمه‌سی.

2
هر زامان سنی خاطیرلاییرام
و گولوشونون شرابیندان خوشلانیرام.
سن
گوی قورشاغی کیمی‌سن
من ایسه ایشیقلی، سئوینجک.
بو آرادا
بیر سورغو وار:
سن نئجه جان‌سان،
و نئجه جان باغیشلایانسان؟!

3
گوردوم؛
سحره یاخین گؤردوم باخیشینی
و سئوگی باغچاسیندان
دوداغیندا چیچک‌له‌نن
بیر گولون تبسومونو.
من گؤردوم
سنه یول گؤسترن
گونشین قیزیل شعاسینی
و ماوی باخیشینی.

4
سنینله
تانیدیم باهاری،
انتظاردا قالدی یای.
آن با آن
سایدیم پاییزی
کدرلریمی گئییندی قیش.

5
سنین انتظاریندا
غروب‌لا قول-بویون دایاندیم
دایاندیم
دایاندیم…
سنین انتظاریندا
سحرین موشتولوغونا قدر
اومید قاچدی
قاچدی
قاچدی…
آنجاق
چیچک‌لر اویوموشدو
دان یئری سؤکولمه‌دن.

یک پاسخ

  1. شعرلر عالی و چئویری لر مؤحتشم حؤرمتلی خانیم امینی و عزیز دوستوم‌گولناز خانیما تشککورلریمی،بیلدیریرم ❤❤

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *