ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

susan
شعرلر(8) / سوسن امینی
gulnaz
چئویرن: گولناز

(1)
گؤزلرين
ایشگه آرخ‌لاری  اؤزونده بوغور،
و بوغازين
دوماني، ناله‌دن قوپاریر.
گئجه‌نین سونودور، نازليم!،
چوخداندير
گؤرسه‌نیر ايشيق
و ايتيب، باتمادادیر قارانليق.
آدديملارينين سسي آستادان گلسه‌ده،
باتیریر زامانين قولاقلاريني.

(2)
دونن گئجه
قار آلتیندا آرامجاسینا دایانان
یالقیز بیر “نارون” آغاجینی-
گؤردوم یوخودا؛
سانکی
بیر الکتریک آغاجی  یاراتمیشدیر-
آی ایشیغی اوندان.

من
يئنه ده اينتظاردایدیم…

سن  گلیب کئچدین دایانمادان،
من‌ایسه
قار اوستونده‌کی ایاق ایزلرینی-
ایزله‌دیم کؤلگه به کؤلگه…

یوخودان داشلاندیم؛
نارون آغاجی چیچک آچمیشدی.

(3)

آغاج
یوخوسونو کولک اوغورلادیغیندان
تورپاغین قوینوندا اینله‌ییر؛
پنجره
دومانلی سمانین سیرداشی اولدوغوندان
یاغیشی آغلاییر؛
من
حسرت‌دن بیر کؤینک تیکیرم سنه
ایچه‌ری ائوده؛
سن
هاراسيندا دایانیبیسان بو فيرتينانين؟!

(4)
نه اولسون کی، بیر ائوین چیراغی سؤندو؟!
ایشیقلاندی باشقالارینین ائولری.
آنجاق
سیخیلدی اوره‌ییم
وحشی بیر قوش کیمی
قانادلانیب گئتدیگین زامان.
من قالديم
و كدره بورونموش بیر یووا،
و دئييلمه‌ميش ناغيل‌لار.

 

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *