ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

susan
شعرلر(7)
سوسن امینی- چئویرن: گولناز
gulnaz

(1)، اوچوش
گئجه‌نين قارانليغيندا اوولانیر
ایکی هوندور دووار آراسیندا بیر قوش؛
و من
یادداشتیمین قان ایتیردیگینی
اوره‌ييمين درينليگينده دویورام،
و اونون آلدیغی هر بیر ضربه‌سیندن
اومید اوره‌ییندن آسلانیرام؛
و اینانجیمین نهایتینده
اونو گؤرورم،
و ياناقلاريندان اؤپورم.
او ایسه،
ياز روزگاریلا اوينايان بیر يارپاق تك
منه دوغرو گلیر
و ياناقلاريمدان اؤپور.
من‌ایسه
گؤز ياشلاريمي سيلیب،
اونونلا ابدیته اوچورام. 

(2)، سنسیز
اوره‌ييم ايسته‌مير
پاييزين سون يارپاغي اولام
و يولا سالام
یارپاق تؤکوملو سون باهاری.

اوره‌ييم ايسته‌مير
یووالاریندا انتظار چکسین دن اوچون
سحره‌دک قوشلار.

اوره‌ييم ايسته‌مير
سنسيز
آيلي گئجه‌نین قوناغی اولام،
و ياخود
سنسیز
قوناق چاغیرام آیلی گئجه‌نی ائویمه.

 (3)، یاشیل اؤلوم
دينديرمه اوره‌ييمي!
چوخداندير اؤلدورموشم سنی.
قيصاص آلماق ايسته‌سن
پارچالا منی،
و صنوبر آغاجی‌نین بوداغیندان آس!
خوش‌دير جان وئرمک
طبيعتين قوینوندا.

(4)، کؤمور قوخولو هاوا
کؤمور قوخوسویلا دولودور نفس‌لر؛
آنجاق
سئرچه‌لر یئنه‌ده جیککیلده‌شیرلر.
سما بوزدور؛
آنجاق
گونش تمناسیز ايشيقلانديرير هرياني.
گئجه قارانليق دير، ذیل قارانلیق؛
آنجاق
گوندوز ايشيقلي و بعضا‌ده ياغيشلي؛
هر ایکیسی گؤزل
هر ایکیسی ایشیقلی…

بیزی سوراقلاشسانیز
قفسده‌کی بیر قوش کیمی؛
آنجاق
اوره‌ییمیزده آزادليق اوميدی،
آزادليق اوميدی. 

(5)، قیش
سحره‌جك
آغ دیشلرینی قیجیریردی بیزه
قيشين سويوغو؛
و دونوردو هاوادا نفس‌لر
هر سويوق باخيشی‌لا.
آنجاق
سحر آچيلاركن
گونشين ايستي و محبتلي باخيشيندان
اوتانیب،
سوزولوب، ایتدی
داغلارين آرخاسيندا.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *