اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: فریبا مرتضایی
ترجمه: فریبا مرتضایی
فریبا مرتضایی
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

fariba mortazayi
قیسا شعرلر(7)
فریبا مرتضایی

(1)
قوپ
بو حیاتدان گولوم!
گل
آغاج اولمادان
اوزون- اوزون اؤلک!
(2)
سنه اولان سئوگیم
اوره‌ییمدن
بوغازیما یول آچیب،
خیمیر-خیمیر
باخیشیما دا یول تاپیب،
گؤزومده
بیر دام سؤز ییغیشیب،
گل دام اوسته!
سنه سؤیله‌میشدیم
قدملرین
گؤزوم اوسته.
(3)
گول- چیچک واختی گلدین
آپاردین منی
اوشاقلیق عالمینه،
اؤپدون یاناق‌لاریمی
سئوگی باغیشلادین منه
یاناق‌لاریم رنگینده.
(4)
توتولان اوره‌ییمین
بندی سنسن!
قورخورام…
آماندی گؤزلریمه باخما!
بو گؤلده
بوغولارسان.
(5)
هاچانا قده‌ر
سنی اودقونا – اودقونا
سئوه‌جه‌یم؟!
دیلیم توتماییر آدینی …
(6)
ائلیمین آدامی
منیم آدامیم!
من
او درین باخیش‌لاردا
ایلمک- ایلمک
دارا چکیلمیشم.
(7)
اوره‌ییم اؤلوب؛
چیرپینیش‌لار گئدیب.
سن یوخسان
بو آستانا بوش‌دور!
باشماقلاریمی گتیرین
اوره‌ییمین باشیندا جوتله‌یین!،
دئمه‌سینلر آدامسیزدیر.
(8)
باش منیمدیر
سنه دولانیر
کیمه نه؟!!!
 (9)
آیاقلاری‌نین سسی گلیر؛
تلسه- تلسه
قاباغینا چیخیرام.
باخ،
اوره‌ییم ازیلیر!
(10)
عؤمرومون-
فصیل‌لری بیرلشیب؛
خیشیلداییر
خزان منی آپاریر
باهارا دئیین !

اشتراک گذاری در print
چاپ

8 پاسخ

  1. slm.chox gozallllllllllllllllllllllllllllllllllllllllll . yashaaaaa <3
    آیاقلاری‌نین سسی گلیر؛
    تلسه- تلسه
    قاباغینا چیخیرام.
    باخ،
    اوره‌ییم ازیلیر

  2. توپراقمین عزیز شاعیری یازمیسان دوغروسو یارادیسان . سونسو ز تشکرلر و درین حؤرمتله

    ائلیمین آدامی
    منیم آدامیم!
    من
    او درین باخیش‌لاردا
    ایلمک- ایلمک
    دارا چکیلمیشم.

    …………

    آیاقلاری‌نین سسی گلیر؛
    تلسه- تلسه
    قاباغینا چیخیرام.
    باخ،
    اوره‌ییم ازیلیر!

  3. تقدیم به دختر کوهساران سر فراز خانم مرتضایی:
    ..
    بر چهره ی نگاه ، نقاب از چه بسته ای ؟
    تا راز دل نخروشد ؟
    تا بغض، لب نگشاید ؟
    در امتداد سیر نگاهت ،
    اما
    کشیده ای
    یک دره تا بهشت.
    « بانوی انتظار »!!!
    امیر هوشنگ

  4. سن یوخسان ….. خزان منی آپاریر…..

    تلاشتان ستودنی است .بانوی شعر و احساس .

    سرکار خانم مرتضایی گرامی

  5. نه گؤزل بیر گون باشلاندی بوگون منیم چون…… آشار داشار دویغولو شعرینیز روح باغیشلا دی ….مین یاشایین حؤرمتلی خانم مرتضایی….یوللارینیز ایشیقلی اولسون همیشه.

  6. ایشیق امکداشلارینا چوخ تشکورلر بیزه بیر بؤیوک پدیده تانیدیریب الحق کی خانیم مرتضایی قیسا شعر لرین بؤیوک اوستادیدیر لذت آپاردیم چوخ ساغ اولون حؤرمتله .

  7. آیاقلاری‌نین سسی گلیر؛
    تلسه- تلسه
    قاباغینا چیخیرام.
    باخ،
    اوره‌ییم ازیلیر!

    …………………………………………

    اَن گؤزل و دویغولو اولان(قالارغی آنلاملار داشییان) بو شعیرلری اوخوماقدان سئوینجلی یم. عزیز شاعیر خانیم مرتضایی دایما باشاریلاریزین داوامی آرزوسو یله، اوغورلار اولسون.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *