يالقيزليق
حسن ایلدیریم
باخديق
باخديق
يالقیزليغين ياري قارانليق پنجره‌سيندن :
گؤيلر توتقون
هاوا زوققوم
گؤرونوش آلاتورانليق .
باغلاديق اوزوموزه ياري قارانليق پنجره‌لري،
اوچوب تؤكولدوك ايچيميزه
خارابا داملار كيمي .
آغنادي جانیميزا توزلو قارانليق
اوچغون‌لارين آلتيندان
توزلو خاطیره‌لر قالخيب دولوخسوندولار؛
شيغييب چاخناشان قيسير بولوتلار
ياغماز اولدولار.
باخديق
باخديق ايچيميزه :
اوره‌كلر اپریميش
ایستكلر قارتيميش
گؤرونوش
اؤلومه بنزه‌ين قارانليق بوشلوق!
باغيرديق
باغيرديق قارانليق دالانلاردا
قارانليغا آليشديق
سويودوق
سوسدوق
گونلرين يالقيز قارانليغيندا
توموب قالديق
قارا داشلار كيمي !
تهران 1375