سنسیزلیک‌لر(۲)
مجتبی نهانی
(۱)
نه اولار بوغازیما گله‌سن-
آپاراسان سسیمی اوزاقلارا،
بوردا یوخ یئره قیشقیریرام.
(۲)
باتسین بو سسسیزلیک
داش یاغسین-
باشی دومان گونلریمه،
گَل قورتار منی-
کئچه بیلمه‌ین زاماندان.
(۳)
بیر قورشون آزدیر منه-
سنسیزلییی اونوتماغا.
(۴)
سن اولمادان،
یاشاماغی ایتیرمیشم
گَل باخ منه
نئجه باهارسیزلامیشام.
(۵)
گئجه‌نین قولاغیندان آسلانان منم
سن، ایشیق ساچان آی‌سان.
(۶)
قلبیمه-
اَن یاخین سسی تاپدیم
یاغیش، داریخما زامانیندا.
(۷)
ساواشلاردان
بیر تک اؤلوم قوخوسو گتیرمیشم
“یاشاماق یئنه گؤزلدیر” دئییر-
قلبیمده قالان قورشون.
5 پاسخ
ساغ اول قشنگ شعرلرین وار
سلام آقای نهانی چوخ ساغ اولون گؤزل قلمیز اوچون چوخ سئودیم .درین حؤرمتلر . ایشیق سایتینا تشککورلر .
چوخ گؤزل اللریز وار اولسون نهانی بی گؤزل شعر لر اوخودوم
ساغ اولون نهانی جنابلاری سیزلرین هر بیر یازینیزی اوخویوب گله جک ادبیاتیمیزین ایشیقلی اولدوزلارینی دوشونورم…
جناب نهانی ارجمند اشعارتان را در ابن سایت نبز خواندم
بسیار زیبا و لطیف و دلنشین بودند؛ با تشکر و سپاس و
آرزوی موفقیت روز افزون و تداوم کارهای هنرمندانه و
اررشمند جنابعالی