ایزلریم منیم
احد باغبان

بوردان هارا گئتسن اؤلوم یولو وار
اوره‌ییمده گیزلَن سؤزلریم منیم!
دیلیم دایانمادا، اللریم یالقیز
دانیش هر باخیمدا گؤزلریم منیم!

سینیق بیر کؤرپونون دالیندا قالدیم
طاقتیم طاقلاندی دیزلریم منیم!
دیوارلار اوچورلار، یول‌لارچؤنورلر
گئدیرلر آرادان ایزلریم منیم.

بیرگون بیرلیگیمیز شنلیک وئریردی
ایندی داغیلیبدی سیزلریم منیم.
عیان اولموش ایندی قوردون گؤزلری
یامان یئرده قالمیر گیزلریم منیم.
92/۱۰/۲۰