(۱)
گولله‌لر
گولله‌نیب گؤزلرینده؛
اوره‌یینده:
سئودا,
اینام,
عناد.

(۲)
دویغولاریندان
چیچک آچیر؛
اللریندن
گؤیرچین اوچور؛
بیر فیرچا,
بیر بویا,
بیرده اوشاقلیق سئوگیسی؛
و
یئنی دونیا…

(۳)
قوجاق آچیرسان
سیغاللایان اللرینی اؤپور سنین-
سئودالی گؤیرچین‌لر؛
و ایسلاق ساچلارینی
چیلغین کولک‌لر پایلاشیر
دنیزلردن دنیزلره؛
و بیریارالی قارانقوش
اوزاقلاردا پرچین آلتدا
سنین تورکونو اوخویور:
-“سیل گؤزون یاشین قارا گیله
آغلاما, بس دیر!”

(۴)
یاشادیغیمیز ان گؤزل گونلر
هله یاشامادیغیمیز؛
سؤیله‌یه‌جگیمیز ان گؤزل سؤزلر
هله سؤیله‌مه‌دیگیمیز؛
اوندان دولایی دؤنمه‌دیم دونن‌لره،
اوندان دولایی سئودیم صاباحی
سنین‌له….