۱
دومان باسمیش بو زیروه‌یه
نارین- نارین سپه‌له‌نیر…
زیروه دوماندان چیخارسا ،
بولود باشینین اوستونده-
محبت‌دن یاغدیرارسا،
نه فرقی وار اولسون تبریز،
اولسون سهند !…
۲
یاغدیراجاقسانمی، قیسقانما یاغدیر
یاغمورون عطری مست ائله‌ییر منی.
بیلیرسن ایللردی کی گؤزله‌ییرم
آتشلی کؤنلومون اوستونده سنی!…
۳
یاغمور یاغمالی‌دیر هر گئجه یئره ،
بولوددا تقصیر یوخ، یئرده تقصیر یوخ!
یاغمورو ایسته‌ین ایسلانسین گره‌ک
ایتیرسین یاغموردا گره‌ک اؤزونو،
اولسون یاغمور رنگلی، یاغمور بویالی.
یاغمورسوز گئجه‌لر کؤوره‌لیرم من،
کاش بولود آغلایا کؤورکلیگیمدن!…
یک پاسخ
سلام خیلی خوب بود