ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

صبح نامازی
محمود قبه زرین

چال عاشيق
چال سازي سسلندير آماندير
يوخو آلدي گؤزومو.
گون قارانليق
سو بولانليق
اولوب ائل يوردو دومانليق
سؤندوروب يئل كؤزومو
قهرمان اوغلووون عاشيق داها يوخدور دؤزومو.
سؤنموش او اودلاري مضرابيله اودلاندير عاشيق!
سووموش او قانلاري قاينات، گؤيه داشلاندير عاشيق!
قوي نفس گلسين ائله
باغلاياق شالي بئله
داياناق سئل قاباغيندا
بابالارميز ساياغيندا.
هايلا گلسين نبي‌ني الده توفنگي ها بئله،
قوچ كوراوغلو ده‌لي‌لرله گله بابك ديريله
هامي وئرسين ال اله!
قوي سنين دوشمانيوين نسلي كؤكوندن قوروسون،
چال ظفرنغمه‌سيني سس بو دياري بوروسون.
عاشيق آوازي، سازي ائل بوغازي
گئجه‌دن چوخلو كئچيبدير
قاليب البته آزي
يئتيريب صبح نامازي!
داغلارين باشي منارن،
سازين آواسي آذان.
پرده‌لر حمد ايله سوره
شور شهنازدا قرآن؛
هايلا ستارخان ائلي
اونون ال بير فامئلي
بو سحر وقتي قيام ائيلييه‌لر،
قيلالار صبح نامازين
بحثي تامام ائيلييه‌لر

تبریز 1356

2 پاسخ

  1. بو شعرین موزیکی ده وار. من بتر آختاریرام. بیراز قدیمی ده ولی اصلا تاپامیرام. محبت الیین اونو منه تاپین

  2. بیر شعر بوقدر گؤزل اولورموش چوخ چوخ حذ ائله دیم .بیر شئی ده دئمک ایستریم کی شعرین گؤزللیگی نظمه نثره باغلی دئیل یئتر کی دوغرو دوروست سؤزلری اورکلره خیطاب ائله سین عینی سایین قبه زرنین بو شعرده یازدیخلاری کیمین.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *