گل سنده یاشاییم
رقیه کبیری
سن،
تبریز بویوندا بیر شهر
سنده یئرییم، یاتیم، اوتوروم، قالخیم
سنین تورپاغینی
فرانسا عطیری کیمی
ساچلاریما یاییم
گؤی مچید
سنین بوغازیندان گون اورتا اذانی سسله‌سین
قوشوقلارینین دیزه‌سی کیمی
امیر بازاریندا
آلتین چرچووه توخو
بازارین بیر پارچا سینینق کرپیچینه
سندن بیر تؤحفه منه
قوی بویون باغیم اولسون
قارینا،
کوله‌یینه
یاغیشینا
دومانلی گونلرینه بئله دؤزه‌رم
سن تبریزیم اول
گل سنده یاشاییم ….
2 پاسخ
شئرینیز چوخ راوان گلدی
چوخ گوزل یازیرسیز، چوخ یاشایین
سلاملار
حؤرمتلي “كبيري” خانيم, شعرينيزله آزدا اولسا تبريزده گزديم… لذت وئردي شعرينيز
چوخ ساغ اولون…