۱
سبد- سبد ایستک‌له
گلدیم،
خونچا- خونچا اومید‌له
گئدیرم.
۲
سن منیم
کؤکسومده اویودون،
سن منیم
اوره‌گیمدن دیرچلدین؛
قانادلاندین سمالارا
و معنالاندیردین
یوکسک‌لیگی.
۳
اؤلمز گولوشونو،
آچیق اوزونو سئویرم.
سئوگی دولو دوم- دورو باخیشینی،
ایشیق ساچان توختاق اوره‌یینی سئویرم.
سن منیم سئوینج آللاهیم؛
سنی سئویرم….!
۴
سنی آلقیشلاماق ایسته‌دیم،
باجارمادیم،
سؤزلر توپوغونا قده‌ر چاتدی
و اؤلچولر
دیزیندن آشاغی.
۵
گؤزلرین منیمله دانیشیر
و من
اوره‌یینی گؤزلرینده اوخویورام،
اوره‌یین دنیزدیر
سئوگی دنیزی…
3 پاسخ
چوخ گوزل یاشا
چوخ گوزلدی
گوزل ترجمه دی. اللری آغریماسین گولناز خانیمین.منجه بو ترجمه لر فارسی متنینه گوره چوخ اوره یه یاتیم اولوب.ساغ اولسون لار.