سئو سئو!
اسماعیل مددی(اولکر)

      ” سون “آ دک اولماق ایسته‌سن، سئو! سئو!

  ابدی قالماق ایسته‌سن، سئو! سئو!

  سئوگیدن سونرا هر شئیین سونو وار

   ” جیسم “ی  ” جان ”  قیلماق ایسته‌سن، سئو! سئو!

  سئوگیدیر سئوگی وارلیغین آماجی

  سئوگیدیر سئوگی یوخلوغون علاجی

  سئوگی وارسا زهر شکر کسیلر

  سئوگی یوخسا زهر شکردن آجی!

  گولجه جنّت قیلاق فلک یاتاغین!

  نه ایپک؟ سئوگیدن سالاق یاتاغین!

  وئرسه‌لر سئوگی وارلا یوخ وئرگین

  جان آلیب سئوگی ساتسالار ساتاغین!

  سئوگی ان سینمایان ازل سوننت

  سئوگیدن غئیری چکمه‌یک میننت

  سئوگیسیزلیک جهننمیندن چیخ!

  سئودالان، سئودالان! بودور جنّت!