هاشم ترلان
چئویرن: هاشم ترلان
ترجمه: هاشم ترلان
سسلندیرن: هاشم ترلان

tarlan
آذربایجانیم
هاشم ترلان

  اوزون یوللار گودلسه ‏ده، عؤمروم بویـونجا،

 سنسیزله‏دیم گئجه-گوندوز آذربایجانیم.

 غربت سیخدى، سئیر ائتمه‌‏دیم سنى دویـونجا،

 آغریلاریم اولدو کؤز-کؤز آذربایجانیم!

 ×

 باشین اۆسته قارا یئللر اسنده مغرور

 اوغرونداکى دؤیوشلرده اؤتوب هر آنیم.

 سنى “اقوام” سایانلارا دئدیم: دایان، دور!

‏ اؤز خالقیمین طالعی‌دیر آذربایجانیم!

 ×

 چکیلنده او شــوخ آدین قالخدیم، دایاندیم،

 دیلیم یاساق، آدیم یاساق نئجه باخیم من.

 توپـوق ووران دیلیمده‌کى رنگه بویاندیم،

 اى گؤزلرى یولدا قالان آذربایجانیم!

 ×

 صدام چکیب قلینجینى آت اویناداندا،

 اؤن سیرادا آددیملادى دؤیوش کاروانیم.

 بوتون ائللر قان گؤلونده اوزن بیر آندا،

 هاراى چکدى، من ده وارام آذربایجانیم!

 ×

 قانیمیزلا امضالانمیش اون بئشینجى اصل،

 دئییر منى اونوتمایین اؤتور دؤورانیم.

 دئسه هانى  “قورقود دیلى” صاباح گلن نسل،

 نه‌دیر جاواب؟ آنام منیم آذربایجانیم!

 ×

 عؤمور زیروه، کونول داردا، کؤلگم دیواردا،

 نوه‏لره “پدر بزرگ” اولوب عنوانیم.

 آنا دیلیم! اولما ملول بیر شأن باهاردا

 سیغال وئرر تئللرینه آذربایجانیم.

 ×

 اود اوغلویام، آلـ‏وولاردان، اوددان یاراندیم،

 بابکیمین قلینجیدیر منیم  درمانیم.

 بیر سئودانین داراغیندان کئچیب داراندیم،

 اؤز اوغلونام، دوز اوغلونام آذربایجانیم!

 ×

 سیز اى وطن دیاریندان اسن کولکلر،

 أسین، دولون اوره‏ییمه، بیتسین هیجرانیم.

 صاباح دوغما شـوخ دیلینى کسن بیلکلر،

 سجده قیلار شهرتینه آذربایجانیم!

 ×

 من “ترلان”ام، آذربایجان آدیم، سانیمدیر،

 او گولمه‌سه، من گولمه‌رم، سؤکولمز دانیم.

 آنا دیلیم  بدنیمده آخان قانیمدیر،

 بو قان سنین، بو جان سنین آذربایجانیم!

محمود دولت‌آبادی | ترجمه: 
محمود دولت‌آبادی | چئویرن: 
ع. آغ‌ گونئیلی
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آذربایجانیم/ هاشم ترلان

هاشم ترلان
www.ishiq.net

آذربایجان ادبیات و اینجه‌صنعت سایتی

آذربایجانیم/ هاشم ترلان

هاشم ترلان
www.ishiq.net

آذربایجان ادبیات و اینجه‌صنعت سایتی

آذربایجانیم/ هاشم ترلان

هاشم ترلان
www.ishiq.net

آذربایجان ادبیات و اینجه‌صنعت سایتی