اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

chayoglo
قارا گؤزلر
بهروز دولت‌آبادی(چای اوغلو)

 شاعیرلر ایلهامی او گؤزل پری

او سعادت قوشو، ائللر دلبری؛

نه یامان اووچونون اوخونا گلدی

انسانلار اوره‌یی یامان کؤورلدی…

بیر رسام بیر شکیل چکدی ایستی داشلار اوستونده

نه الینده فیرچاسی

نه چانتادا بویاسی

نه قلم، نه کاغاذ، نه سازلی سؤزلر

شاه اثر یاراتدی او آچیق گؤزلر

نه دیلمانج ایسته‌ییر، نه سواد گؤزلر…

بو اثر اوخوندو یانان شاملاردا

دولاندی گونش تک بوتون داملاردا

اوخوندو دونیادا بیر واحید دیلده

سسلندی زؤهره‌نین سازیندا ذیلده

او لال باخیشلارین سسی صداسی …

دولاندی گؤیلرین ماوی‌لیگینده

ماوی دنیزلرین درینلیگینده

آمانسیز تاریخین دؤیدو نبضینده

شعله‌لندی آنالارین قلبینده…

شاعیریم ایلهامین آراما گؤیده

اولدوزلار اله‌نیب سؤندولر یئرده

آشیب باشدان داشیب یئرین حسرتی

انسان نئجه دؤزسون بو آجی درده؟…

گؤیلر ده باغلاییب قاپیسین بیزه

ظولمت حربه کسیر گونه، گوندوزه

خزان یارپاغی تک انسان اله‌نیر

باسیرلار تورپاغا قان سوزه سوزه…

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *