آغ گونلریم
اکبر صالحی(قاداش)
بیر قلم دیر، بیر کاغیذدیر، بیر منم
سؤز گزیرم، سؤز آردینا ایلیشه.
گاه حسرتی جالایـیرام کاغیذا
گاه سؤزلریم چیچک‌لنیر گولوشه.
×××
اللی ایلی، بیر دیقه‌ده یاشیرام
بیر لحظه‌ده یوز یاشیمدان آشیرام
گاه سوسورام، گاه قاینایـیب داشیرام
قلم حئیران، کاغیذ مات‌دیر بو ایشه.
×××
حسرت آخـیر، پندام اولور دایانـیر
یادیرغانان آجی کئچمیش اویانـیر
بیردن وارلـیق اومید ایله بویانـیر
خیال دوشور کهلیک کیمی یـئریشه.
×××
مکتب آچیق، آنا دیلده اوخونور
الیف، بئی‌له آذربایجان توخونور
دیرچلیشین، چیچک‌لری قوخونور
داها دوشوب ایشلریمیز ائنیشه.
×××
هن «قاداش»یم ائل بالاسی سؤز الر
آنا دیلده مکتب لرده دوزه‌لر!
قارا باختـین دای کؤلگه‌سی اوزولر
آغ گونلرین اوز قویارلار گلیشه.
2 پاسخ
saqol
amijan
aqzın shakar
سایین قاداش مین یاشا.