آغ گونلريم
اكبر صالحي(قاداش)
بير قلم دير، بير كاغيذدير، بير منم
سؤز گزيرم، سؤز آردينا ايليشه.
گاه حسرتي جالايـيرام كاغيذا
گاه سؤزلريم چيچك‌لنير گولوشه.
×××
اللي ايلي، بير ديقه‌ده ياشيرام
بير لحظه‌ده يوز ياشيمدان آشيرام
گاه سوسورام، گاه قاينايـيب داشيرام
قلم حئيران، كاغيذ مات‌دير بو ايشه.
×××
حسرت آخـير، پندام اولور دايانـير
ياديرغانان آجي كئچميش اويانـير
بيردن وارلـيق اوميد ايله بويانـير
خيال دوشور كهليك كيمي يـئريشه.
×××
مكتب آچيق، آنا ديلده اوخونور
اليف، بئي‌له آذربايجان توخونور
ديرچليشين، چيچك‌لري قوخونور
داها دوشوب ايشلريميز ائنيشه.
×××
هن «قاداش»يم ائل بالاسي سؤز الر
آنا ديلده مكتب لرده دوزه‌لر!
قارا باختـين داي كؤلگه‌سي اوزولر
آغ گونلرين اوز قويارلار گليشه.
2 پاسخ
saqol
amijan
aqzın shakar
سايين قاداش مين ياشا.