بیزه قهرمان گرکمز!
بوتون قهرمانلار، پهلوانلار گئرییه باخانلارین اولسون!
بیزیم گؤزوموز گله‌جک‌ده‌دیر!
گله‌جک بیزیمدیر، بیز گله‌جه‌یین!
اونا اولاشماق اوچون
اوموزلاریمیزا آغیر بیر یوک آلیب، یولا دوشه‌جه‌ییک!
آچیق گؤزلر ایله اؤنه باخیب،
یورولمادان آددیم-آددیم هدفه یاخینلاشاجاغیق!
یئری دیلداشیم! یئری!
دورما! دایانما!
دایانماق بیزه حرام!
یئری دیلداشیم! یئری!
یورولما!
یورولماق بیزه یاراشماز!
گله‌جک بیزی گؤزله‌ییر!
یئری دیلداشیم! یئری!