قار دا یاغمادی
شاعیرلشک بیرآز
چوخدان پاس توتموش کؤنلوموزو
قوردالایاق، دئشک بیر آز
بیر قارآدامی دوزلدک
بیر بورون قویاق،
بیر گؤز ائشک بیر آز
سونرادا
سونرادا سئرچه‌لشک؛
بیر باش گؤزونه قوناق،
بیر قالخاق، دوشک بیر آز
جوجولدشک، جیویلدشک بیر.
قار دا یاغمادی
قارلاشاق باری
بیر کرم اولاق، بیر له‌له
بیر گدیک‌لشک،
بیر قارلی داغلار آشاق باری
بیر حسرت دیندیرک،
بیر یارا قووشاق باری.
کؤتولشدیردیک دونیانی
آرتیق
شعر کیمی
معجزه کیمی تاپیلماز اولوب،
قیشین اوغلان چاغیندا،
بیر چیمدیک قاری
ایندی
نه اوزله قارشلایاجاغیق ایلک باهاری!
قیش ۱۴۰۰
