اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

tarlan
او کیمدیر؟!/ هاشم ترلان

(حبیب ساهرین خاطیره‌سینه)

او کیمدیر هر سؤزو، آندی

شعره دؤنوب قاطارلاندی

نعره چکن، هارای سالان

وطن یاندی، وطن یاندی

او ساهر دیر.

×

هونرینده باش گؤرونن

اوزویونده قاش گؤرونن

دونن بیزیمله اوز به اوز

بو گون یئری بوش گؤرونن

او ساهر دیر.

×

یومروقی‌لا سیندان دؤین

کلامی‌لا هیجران دؤین

بابک کیمی فلینج اولوب

سولطان دؤین، خاقان دؤین

او ساهر دیر.

×

ایلغیم‌لاری نورلاندیران

ائل‌لرینه جان یاندیران

علویتین، شعریتین

اوجاغینی گورلاندیران

او ساهر دیر.

×

قلمی‌له داغلار چاپان

هونری‌له گوهر تاپان

چینار بویلو شعریمیزین

دونن بوداغیندان فوپان

او ساهر دیر.

×

شعری تک چاغلایان، جوشان

کؤنوللری سوراغلاشان

طبیعته حیران قالیب

حوسنو ایله قیوراقلاشان

او ساهر دیر.

×

روزگارین یازدیغین پوزان

دار گؤزلرین قبرین قازان

اینامیندا دوم- دوز دوران

نه آخسایان، نه ده آزان

او ساهر دیر.

×

گولون عطری، شعرین خاصی

میصراعلاری ارک قالاسی

ایلقاریندا ثابت فدم

تعیمی‌نین نر بالاسی

او ساهر دیر.

×

ظالیملره دئدی دایان

نه‌دیر سیزده بو فیتنه، قان

قارقا دئییل ، من شاهینم

قانادیندا نور داشییان

او ساهر دیر.

×

غمده غملی، شنلیکده شن

شووینیزمین باغرین دئشن

شعره دؤنوب ذیروه‌لره

کمند آتیب ذیروه‌لشن

او ساهر دیر.

×

بویو گوده، طبعی دنیز

ایلقاری پاک، قلبی تمیز

سئل‌لر آخسین ائل اویناسین

وجده گلیب دئینده بیز

او ساهر دیر.

×

او مزاردان کیمدیر باخان

سینه‌سینه اولدوز تاخان

یوخلوغوندا شعریمیزی،

دوستلاری یاندیریب یاخان

او ساهر دیر.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *