منیم ایشچی دوستوم ال – اله وئره‌ک
بایرامین موبارک، گونون موبارک!
بیر عؤمور گؤروشوب الوداع دئدیک،
بیرده گلن بایرام، گلن یازا دک.
گلن مای گونونده گؤروشدوک بیرده،
قالدی سینه میزده سؤز کیتاب – کیتاب.
باغلی گؤزوموزله بو اویوندا بیز،
باری چاغیرمادیق یولداش منی تاپ!
نئچه اویونلاردا قورد آپاراندا
آه ایتن یولداشلار، باتان یولداشلار!!
یولداشین اوره‌یین ایسیندیرمه‌یه
اؤزونو اودلارا آتان یولداشلار!
ائله آلیشدیق کی اؤز ایچیمیزده
کول اولدوق، ساوریلدیق گؤزوموزه بیز.
یئسه ده چاققاللار یولداشسیز بیزی
یئنه ده گلمه‌دیک اؤزوموزه بیز.
