یئنه یورد سالایدیق او یاستانچادا
یئنه او یاماجدان کولک اسئیدی.
اویانیب یوخودان سحر مئهی‌نین
قفیل گلیشیندن چیچک اسئیدی.
لالانی، نرگیزی شئح دؤیه‌ـ دؤیه
بیر بولود کوماسی قالخایدی گؤیه
ایندیجه اوتایا اوچو‌لار دئیه:
کؤکسومده چیرپینیب اوره‌گ اسئیدی.
انئیدی داغ‌لارین شلاله قیزی
دیلینده بیر اتک عطری، یارپیزی
اورکویوب، آتیلیب گؤرنده بیزی
داغیلیب اوزونده لچک اسئیدی.
سکوتو یاتیبدیر هانسی مئشه‌نین
یاشیل دوداغیندا تر بیزووشه‌نین
عؤمرو اولمایایدی آز، بنؤوشه‌نین
اوستونه چاخدیقجا شیمشک اسئیدی.
بیرده آلدادایدی نرگیزین هیمی
شاعر خیالیمی، شاعر فیکریمی
او داغ‌لار قیزی‌نین یایلیغی‌کیمی
زویروشوب چیینینده اورپک اسئیدی.
یک پاسخ
هر شاعیر طبیعت‌له بو قدر صمیمی ایلگی قورا بیلمز عشق اوْلسون شاعیره???