-گل آپار! سسلنیر، -گل آپار هٍی ی ی ی!
بوراسی بازاردیر
بوردا نه ایسترسن واردیر
من ده دولانماق ایسته‌دیم
باخین نه‌لر گؤردوم:
اینصافسیزلیق آیاق توتوب گئدیر
یالانچیلیق راوات
دوغرولوق احتکار
باها – باها، هر شئی باها!
اینانان یوخدور آللاها؟!
پولون یئتمیر پولون چاتمیر
گؤزلر قالیر باخا-باخا !
سویو سوزولموش
قوللار یانیندان آسیلی
اوره‌ک سیخینتیلی
کؤکسون بوغونتولو
گؤزون یاشلی
اَلین بوش…
داریخمانین سون دوراغی…
قاییدیرسان ائوه
اؤز- اؤزونله دانیشیرسان
اونوتماغا چالیشیرسان…
آمما اونودولمور …
هئچ بیر زامان…
ایچین، ایچینی دوغراییر
هر دیقه، هر بیر آن
هاواسی چیخمیر باشیندان
سیلینمیر یادداشیندان
-گل آپار! سسلنیر، -گل آپار هٍی ی ی ی!
اَن ده‌یَرسیز اوجوز بیر شئی!!!
نه وئریمه، سو پولونا !!!
بیلیرسنمی نه‌دیر اوجوز اولان!؟
«آدام»دیر او «آدام» !!!
باشقا آدلا دئسک اینسان اوغلو «اینسان»
آلانی یوخ !
ساتانی چوخ