یاندیریلان کیتاب‌لاردا
اوخونمایان سؤزوم قالیب.
آلوولانان تونقال‌لاردا
آلیشمایان کؤزوم قالیب.
گولله‌لندی آتا- قارداش،
بو آجی‌یا دؤزرمی داش!؟
نه گؤزومده بیر داملا یاش
نه اوره‌کده دؤزوم قالیب.
بو جینایت اونودولماز،
قیصاص قیامته قالماز،
درین یارالار ساغالماز،
ییرمی‌بئش مین ایزیم قالیب.
باخمایاراق قَهَریمه،
اومودوم وار سَحَریمه،
یه‌هَر قویون کَهَریمه،
آزادلیقدا گؤزوم قالیب.
