چئویرن: ابراهیم شیری
ترجمه: ابراهیم شیری
ابراهیم شیری

(اوشاق یاشلاریمدا ائشیتدیگیم بیر ناغیل اساسیندا)

مینـدی اؤز آتینا جـاوان بیـر کیـشـی
اوزاقدا وار ایدی واجیب بیر ایـشـی
یـول آچدی مقـصده دایانـماز بـیر آن
تله‌سیـر ایشــیـنه تئـز چــاتا جـــاوان
گـئـتمیشدی یولـوندان خیلی قالـیردی
هـردن ده اطـرافـا نــظـر سـالـیــردی
انـیشی یـوقـوشو یولـون چـوخ ایـدی
او یـولدا باشقـا بیر یولچو یوخ ایـدی
بـیـر اونـدا قـارالـتی ده‌یـدی گـؤزونـه
الـینی کـؤلـگـه‌لـیـک ائـتـدی اوزونــه
یاخـین سوردو آتین ایاق ساخـلادی
آه و زار ســسیـنـد‌ن بئیـنی لاخـلادی
گـؤره‌سـن بو کـیـمـدی یـولدا قالـیبدیـر
بلـکه ده یـورولـوب ایـاق سالـیبـدیر
ائلـه بـیـل چاتیـبـدیـر آخـیـر نـفــســی
بـیر قـوجا آروادا اوخـشایـیر سسـی
بـورونـوب قـارایا گـؤرونـمـور اوزو
یاشــی دا دئـیـه‌سـن کـئچـیـبدیـر یـوزو
آغـلایـیـر، یــالـواریـر آلـلاهـا قـوجـا
ایکی الـلـریـنـی قـالـدیـریـر اوجا!

هئی! دئییـب سسله‌دی: «آهای بئچارا
سبـب نه اولــوبــدور بـو آها، زارا؟
احـتیـاجـیـن نـه‌دی؟ دردیـن دئه منه!
هر نه ایسته‌ییرسـن، ائده‌رم سـنـه»

دئدی: «دردیم چوخدور، هانسینی آچیم؟
یولـلاردا قـالـماقدان آغـاریب سـاچیم
یوخ! سـنه دئمیـرم سـن ده دایانما
من دوشن اودلارا سن دوشـوب یانما
اگـر سن ائده‌سن دردیـمـه درمان
قـورخـورام یوللاردا قـالاسـان جـاوان»

جـاوان آتـلی سوردو: «نه ائدیم سنه
یوخسا دوشـه‌جکـسن بورانا، چنـه؟
یاخـود کی یـئیـه‌جـک جـاناوار سـنی
ائـشـیدر اینـسانـلار، قـیـنـایـار مـنـی
یـوخ! سنی قویـمارام یولدا قـالاسان
آغلاییـب، زارییـیـب، دیـزه چـالاســان
ایندی قالخ ایاغا مین آت بـئـلـیـنـه
سـور گئده‌ک چاتـدیـریـم سنی ائلـینه!»

سـؤیـلـه‌دی جـاوانـا قـاری بـئلـه‌سـی:
«یاشا گـؤزلریمین قارا گیله‌سی!
اگر ایسته‌ییـرسن ائـده‌سن کـؤمک
بیرینجی وئـر منه بیر قده‌ر یئمک!
آی منیم دادیما چـاتان، شیـرین دیـل
قـالـخماغا چاتماییر گوجوم، بـونو بـیـل!
آغـرییـیر قـیچلاریم، بوکـولـوب بئلیم
یـولـدا قالـدیغـیمی بیلـمیر اؤز ائلـیم!»

دوشدو آتدان جاوان، قالـدیردی اونـو
مینـدیـردی آتـینا، صـؤحـبـتـیـن سـونـو
خـورجوندان یئمک ده وئردی قاری‌یا
قـاری چـوخ تـشـککور ائتدی تاری‌یا
یولـون بیـر آزیـنی بیـرگـه گـئـتـدیــلـر
اورادان- بـورادان صؤحـبـت ائتـدیــلـر
بیـر آنـدا چـادراسیـن آچـدی اوزونـدن
خائنلیک، موردارلیق یاغدی گؤزوندن
گـؤروندو نه قاری! اوغـــرو، شارلاتان
یولـچـولار یـولـونـدا پـوسـقـویا یـاتان
ائشـدی بــیـغـلاریـنی، باخـدی جاوانـا
جـاوا‌نـیـن قلـبینی دؤنــدردی قـانـا
یه‌هـرین اوستـونـده یئربه‌یئـر اولــدو
سـونـونجـو صؤحـبـتی بـئلـه‌ قورولدو:
«مــن کی سنه دئدیـم ائـله‌مـه کـؤمـک
سن آمما بیلمه‌دین، نه دیر بو دئمک
بـاخ! بـئـلـه قـالارســـان یــولـدا پـیـادا
بـیـر یـولچو دا یـوخـدور چـاتـا امـدادا!»

سـونـرا دا هئی دئیــیب، او آتی چاپـدی
جاوانـین قـلـبینـی یانـدیـریب، یاپـدی
آرخادان سـسـلـه‌دی اوغـرونو جـاوان:
«تـلـسـمه گـئتـمـه‌یـه بیر آنلیق دایان!»
ائلـه کـی ائـشیـتدی، دایـانـدی اوغرو
بیـر آز دا قـایـیـتـدی جـاوانا دوغــرو
«سانـمـا کی او آتـدا گـؤزوم وار مـنیـم
دایان بیر آن سنه سؤزوم وار منیم!
او خورجون دا سنین، پول دا سنیندیـر
قـدیـمـد‌ن دئییبلر: «آت مینه‌نـین‌دیـر»
گئت، آمما دانیشما بو گـون نه ائتـدین
نئجـه احـوالــیـمـی پـریـشـان ائـتـدیـن
بیر کیمسه خبردار اولسا بو ایشدن
اعتبار آرادان یوخ اولار همن
اونـدا مردلیک یئرین نامـردلیک آلار
یولـدا یـورولانـلار کـؤمـکـسـیـز قـالار
دونـیـادا دوغـرولـوق، یـالان سـاییـلار
یاخشیلـیق مـحـو اولار، یامان یاییلار
ایتیل گؤز اؤنوندن ایندی، یوخ سـؤزوم
سن تک شارلاتانی گؤرمه‌سین گؤزوم!»

او آلچاق قهقهه چکدی بـو سـؤزد‌ن
هئی! دئیـیـب چاپـاراق ایتـیلدی گـؤزد‌ن!!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اعتبار (منظوم حئکایه)

ابراهیم شیری
www.ishiq.net

آذربایجان ادبیات و اینجه‌صنعت سایتی

اعتبار (منظوم حئکایه)

ابراهیم شیری
www.ishiq.net

آذربایجان ادبیات و اینجه‌صنعت سایتی

اعتبار (منظوم حئکایه)

ابراهیم شیری
www.ishiq.net

آذربایجان ادبیات و اینجه‌صنعت سایتی