1
کوچه‌نیزی سالاملاییر آیاقلاریم
باخیشلاریم پنجره‌نیزی؛
سسیم
داغلارا دوشور سانکی!…
2
ساحیل‌دن بویلانیر یاشلی باخیشلار
دالغالاردا چیخیر،
ایتیر
سنسیزلیک!…
3
دویونجا وداعلاشمادیق، گئتدین
گؤزدن ایتدین؛
باخیشلاریم
یییه‌سیز پالتارکیمین
آسیلی قالدی-
پنجره‌نین میخیندان!…
4
گؤزلریمده
ساپ – ساری سولدو باخیشلاریم؛
گؤزلریمدن
یارپاق- یارپاق قوپدو گؤز یاشلاریم؛
پاییزدیر!…
5
گئدیرم
اؤنومده سنسیزلیک
آرخامدا حسرت ایزلری
بلکه
داها قاییتمادیم!…
