یئنه هاوادا دئییشمه وار
یئنه هاوا چیرکین‌دیر
پیس قوخو وار
دئنه همشه‌کی تک !
دوغرودور …
سیخیلیرام اونا گؤره ده
بلکه ده همشه‌کی تک !
من صلح حیزبینه باغلییام
آتیشمادان بئزار …
صلح پارتیاسی باش کاتیبی کیمی
مناقشه،
آتیش باریش علیهینه‌یم.
پارتیا آدیندان
هر گون صلحه دایر اعلان وئریرم
سربست شعیر
غزل،
قوشما یازیرام یانی !
غریب ژست‌لر وار شَهَرده
ساواشیم اودکلونو وورور
آتیشما قوخویور
او گولونج ژست‌لر
قویوقلانیردا …
اودور یازی‌لاریم
ایینه-سانجاق کیمی چیخیرلار
بعضاًده کولک کیمی
ساواشیم اودکولونونا قارشی اسیرلر.
مخالیف کاتیبلریم
یازیرلار
دئییب، دئیینیرلر
مسئیج وئریرلر؛
مومکون دئییل
آتیشمادان اؤنجه باریشیق اولماز
صلحه گره‌ک بیز بوغوشاق
ایت کیمی، ایتلر کیمی ده !
آما اعلانیم منیم
اجتماعی سس وئرمه اولاراق قالیر
هامی مندن ایینه آپاریریر
سانجاق آلیر …
صلح حیزبینه باغلییام من
آتیشمادان بئزار …!
۱۴۰۲، مرداد آیی‌نین ۶-سی
