هر گون مختصر بالاجالاشیرام
بونو گوزگو دئییر
من دئییرم
عالم بیلیر

بیلمیرم آنجاق
من‌ غم یئییرم
یوخسا غم آزالدیر منی

هر ندیرسه
ایندیلر بنزیرم
غم بوخچاسینا

تؤکولوب، بوکولوب
آتیلیب بیر بوجاغا

غراییب منظره‌سی وار
آچان بو من بوخچاسینی
سئوینج اولور
بوشالیر غمدن
اوندا قاناد پؤره‌لنیر

سونرا اوچور … اوچور
بیردن اولور سینا داغی
بلکه ده قاف داغی

ایچینده باخاندا
گوزگوده اوزون تاپاندا
تکجه ایشیق گؤرور
نور اولور نور اولور یعنی

بودا بیر اوزون سفردیر
غم بوخچاسیندان
قاف داغینا …!