یاندیریب جانیمی بیر غصه یاخیر تهراندا
اوره‌ییم تنگه گلیب بیخدیم آخیر تهراندا
بو شهرده یاشاماقدان منه باخماق قالدی
سان‌کی بیر گوزگو کی حسرتله باخیر تهراندا
گولوشون یوخدوسا هئچ زاد منی کئفلندیرمز
گؤزه‌دن سو یئرینه آخسا چاخیر تهراندا
گونشین سرگیسی سرمیش تئلینی تبریزده
قیز قیزیل ساچلارینا آینا تاخیر تهراندا
بیر طرف‌ده غمِ غربت، او طرف سنسیزلیک
گؤز یاشیم باش گؤتوروب، سئل‌دی آخیر تهراندا
گؤز قاماشدیردیغین آلتین گؤزه گلدی «رندی»
میسه دؤنموش جانیمی باسدی پاخیر تهراندا
سورورم جانیمی بوردان اورا، اوردان بورا کی
سئوگیمیزدن قالاسی ایز بوراخیر تهراندا
عبداله صمدی(رند ماکو)
چئویرن: عبداله صمدی(رند ماکو)
ترجمه: عبداله صمدی(رند ماکو)
سسلندیرن: عبداله صمدی(رند ماکو)
- شعر
- اوخوماق زامانی: < 1 دقیقه
- https://ishiq.net/?p=33024
چاپ
