چئویرن: سعید صادقی‌فر
ترجمه: سعید صادقی‌فر
سعید صادقی‌فر
00:00
00:00

بو‌ داغلار‌ین یاماجلاری اوه‌لیک‌‌ چیله‌ییر
بو‌ قارلار‌ین یاناقلاری کهلیک‌ گیزله‌ییر
دره‌‌نین‌ یه‌هری توزاناق‌ سالیر
شه‌هرین‌ قه‌هری بوغاناق آلیر
گلین‌ گئدیر داغداغانلارین‌ سانجیسی‌
آن‌ گلیر، … آل رنگینده
یان‌ یؤوره‌سی سانجی
آن‌ گئدیر، … آی‌ عطرینده
دیزلری آغری
دومانلارین اؤلومجول چؤکوشونده
گون اورتانین هاوا‌سی بوغاناق دادی وئریر
گؤیلرین گورولتوسونده
گؤبه‌لک‌لرین‌ موبارک‌لییینی‌ آختاریرام
اییده‌ آغاجی‌نین فاتحه‌‌سینی اوخویان چاغ
خول‌ بوداقلاریندان‌
حوزون سالخیملانیردی
قوتساللیغینی آلیردیلار
و بالتانین‌ اوره‌یی‌ دؤیونوردو
گونشچی‌لری آسیردیلار
اییده‌‌لییین اورتاسیندا
بوتون‌ قیرمیزیچی‌لار،
آرمودلوقلارین ساریلیغینا اینانمیشدیلار
و گئجه‌نین‌ چؤکوشو…
بنؤوشه‌‌ لرین اؤلومو…
قارالارلا‌ یارالارین چکیشیمینده‌‌یدی
جیغیرلارین‌ سونودور یئته‌جه‌‌ییمیز‌
قومساقلیقلارا باخمادان‌ تیکانلیقلار آشمیشیق
آدرئسینی سریلن ساریلیقلاردان‌ آلدیق
یول‌ بویو‌ جرگه‌نی پوزمایان سیغیرقویروقلاریندان
اونلار قوروموشدولار
اؤز صلابتلرینی قوروموشدولار
بیز یانغینلیقلارینا‌ باخمادان‌
ساریلیقلارینا دالمیشدیق
اؤزوموزو اونوتساق‌دا
جیغیرلارین‌ سونونداکی اوچوروملارا اینانمیشدیق.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بو داغلارین…

سعید صادقی‌فر
www.ishiq.net

آذربایجان ادبیات و اینجه‌صنعت سایتی

بو داغلارین…

سعید صادقی‌فر
www.ishiq.net

آذربایجان ادبیات و اینجه‌صنعت سایتی

بو داغلارین…

سعید صادقی‌فر
www.ishiq.net

آذربایجان ادبیات و اینجه‌صنعت سایتی