چئویرن: حمید سفیدگر شهانقی
ترجمه: حمید سفیدگر شهانقی
حمید سفیدگر شهانقی
00:00
00:00

«آی چیخدی پئشمان پئشمان…»
ننه‌م اوخویاردی حزین سس ایله
«… باش گؤتوروب گئدرم
نه دوست بیلر نه دوشمان…»
ننه‌م تیترک سسله اوخویاردی
چارقاتینین بوجاغیله گؤزلرینی سیله ـ سیله
***
بابامی دامدان یئره آتمیشلار
بیر پاییز گئجه‌سینین شاختا واختیندا
سونرا دا گوللـه‌له‌میش‌لر
***
ننه‌مه قان قوسدورموشلار
ننه‌م قان قوسارکن آتامی دوغموش
آتام یئتیم بؤیوموش
بیر دئمقیرات یئتیمی
بابام دئمقیرات ایمیش
***
اوی بابام
منیم اوجا بوی بابام
منیم ایگید بابام
منیم دئمقیرات بابام
***
ننه‌م صاندیغیندا هئیوا ساخلایاردی
صاندیغی آچارکن هئیوا عطری بورویردی ائویمیزی
ننه‌م صاندیغیندا بایراق ساخلایاردی
صاندیغی آچارکن بایراق عطری بورویردی ائویمیزی
ننه‌م صاندیغیندا ده‌لیک دئشیک قانلی بیر کؤینک ساخلایاردی
صاندیغی آچارکن باروت عطری بورویردی ائویمیزی
***
آخ ننه‌م
منیم گؤیچک ننه‌م
منیم نیسگیللی ننه‌م
منیم دئمقیرات ننه‌م…

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

هئیوا عطری

حمید سفیدگر شهانقی
www.ishiq.net

آذربایجان ادبیات و اینجه‌صنعت سایتی

هئیوا عطری

حمید سفیدگر شهانقی
www.ishiq.net

آذربایجان ادبیات و اینجه‌صنعت سایتی

هئیوا عطری

حمید سفیدگر شهانقی
www.ishiq.net

آذربایجان ادبیات و اینجه‌صنعت سایتی