چئویرن: حیدر عبادی
ترجمه: حیدر عبادی
حیدر عبادی
00:00
00:00

آرامیز آراسیز…
سن هر آن یانیمداسان،
موبایلیمین گؤرونتوسونده
نه موتلو گؤرونورسن!
یئشیل بویالی دوداقلارین
ییرتیق- ییرتیق ساری کؤینه‌یین
جیریق- جیریق لیی شالوارین
داها مان دئییل کی،
مانلار کؤچدو، قاچدی؛
یوخسوللوق نه باهالاشدی!!

آرامیز آراسیز…
سن شیکاگودان آنلاین
من کندیمیزدن،
گؤروشوروک
ثانیه‌ده، دیقه‌ده؛
یوللار بو قده‌ر گوده!
یوللار بو قده‌ر قیسا!
یوللار بو ….!
من ائویمیزدن دولانیرام سیزین شهری
سن ده دادیرسان کندیمیزین پاییزینی،
توت آغاجی‌نین ساریشین یارپاغی
شیکاگو پارکینا دؤکولور
پارکین سرینلییی پنجره‌میزدن اوتاغا؛
سن دنیز قیراغی قو قوشلارینان
بالیق دوتورسان
بوردا سا
قارقالار هورکور مندن،
آرامیز ائله بو!

آرامیز آراسیز…
سن جیبیمده‌سن
الیمده‌سن
گؤزومده‌سن،
سن جیبیمده تهرانی دولانیرام
سن جیبیمده خیابانی فیرلانیرام
کوچه‌نی
یاغمورو
قاری – بورانی …
سن جیبیمده
آخشام اولور
موبایلیمین زنگینده آچیلیرسان،
جانلی- جانلی
اوتاغیما آچیلیرسان
آچیلیرسان
یاتاغیما آچیلیرسان
آچیلیرسان
هر آنیما آچیلیرسان
آچیلیرسا آ
قارقیش بو چاغا
بو زامانا
بو گونه!

آجی آیریلیغی دادام
قویمادی
منه – سنه،
اؤزونو قورو
ساچلاری‌نین رنگی هک اولماسین!

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آرامیز

حیدر عبادی
www.ishiq.net

آذربایجان ادبیات و اینجه‌صنعت سایتی

آرامیز

حیدر عبادی
www.ishiq.net

آذربایجان ادبیات و اینجه‌صنعت سایتی

آرامیز

حیدر عبادی
www.ishiq.net

آذربایجان ادبیات و اینجه‌صنعت سایتی