چئویرن: جعفر بزرگ‌امین
ترجمه: جعفر بزرگ‌امین
جعفر بزرگ‌امین
00:00
00:00

۱. مئشه‌لر

مئشه‌لر
اوشاقلیق شیلتاقلیقلاریم
دوننلنمیش باخیشلاردا
گؤزدن ایتدی.
بوغازیم صاباحلاری هایقیردی
قولاقلانیب او ائشیتدی.
ایسلاق نوتلاریمین آیناسیندا
اوشاقلیغیم یئنه بیتدی.

۲. اؤپوشوموز

صاباح
اؤپوشوموزو
اکیزتایی دوغاجایام.
ایندی سانجیسینی
آجییرامسا
آغریسینی
قوسورامسا
تورکولریمی
سوسورامسا.

۳. اؤلوم سوزگه‌جی

اؤلوم سوزگه‌جیندن:
سنی
اؤپوشوموزو
یاشامی
سوزولدوک:
وارلیغین دامارلارینا.

۴. دئییشیم

من
بوزلاریمی اریییرم
وارلیغیمین وارلیغینا.
هؤرولموش بولودلاردان
گونشیمی ساچیرام
قارانلیغیما
من
ایلان کیمی قابیغیمی سویولورام!
سنی دوغولورام!

۵. دونیا کندی

بارماقلاریم
-keyboardون دویمه‌لرینی
یاللیلانیر،
بیر قاریش دونیا کندینی اووجلانیرام
چاغریلمامیش قوناقلار
آخینیر ائویمه.
هئچ ده منه اوخشامایان بیریسی
منی دوغور.

چاپ

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شعرلر

جعفر بزرگ‌امین
www.ishiq.net

آذربایجان ادبیات و اینجه‌صنعت سایتی

شعرلر

جعفر بزرگ‌امین
www.ishiq.net

آذربایجان ادبیات و اینجه‌صنعت سایتی

شعرلر

جعفر بزرگ‌امین
www.ishiq.net

آذربایجان ادبیات و اینجه‌صنعت سایتی