جنون فیل‌لر
چئویرن: آنیر قوجام
ترجمه: آنیر قوجام
آنیر قوجام
00:00
00:00

۱
گؤزلریم یاتدیلار
من هله…
یوخ هله
وارام، باخیرام فیل کیمی

بورادا اوزون بیر صف
دایانان‌لار، وار
گؤروشومه واران‌لار.

من…!، اؤلسمده من
-گوزلریمی اورتدولر-
وارام،
آخیرام فیل کیمی.

گورورموسن من کیمم؟!

۲
قارتال کیمی قالخیر
یُوز کیمی یوگورور
فیل کیمی اویورام –
کئچمیشده‌کی گله‌جکلره
و گله‌جک‌ده‌کی کئچمیشلری
قورورام.

ایچیمده بیر بودا
بیر عیسا وار منیم
اوردا آلقیش دؤشوندن امیرلر
سالیرام سونرا
ساوالان دیزلری اوسته یاتیرلار.

هله ده اویموشام اونلارا من
سسلری گلجک قالخیب
قاچیرام باشیم اوسته…
… قوروماقدایام …

۳
دلی دوه‌لره عشق اولسون
جنون فیل‌لره سلام.
بخ! بخ!
ییرتیجی آصلان‌لارا باخین
سدلر سیناجاق بوتون
او سینیرلاردا محبوس سئللر گوله‌جک
آغیر قهقه ایله آغنایاجاق
عطش چؤللره
عطش چؤللره …

ایچ ها ایچ، قابیق قویان ائللر
دول ها دول، اوتانمیش دنیزلر
گول ها گول، آی آغلار گؤزلر
دلی دوه‌لر
جنون فیل‌لر
آصلان کؤنوللر
سیزلره سلام…

۴
دلی فیل‌لر گلیرلر
قطار کیمی ائنیرلر داغلاردان
و دومان کیمی قالخیرلار مئشه‌لردن
سوسوزلوقدان جنونا اوغرامیش
آغنامیش فیل‌لر
و بورادا سدلره یوگورورلر
سیناجاق سدلر، فیل‌لر آمما
یئنه ایته‌جک سئللر ایچینده

آه عطش‌دن اؤلن فیل‌لر
ایندی سئللرده یاناجاقلار.

دلی فیل‌لر گلیرلر
و تاجیرلر فیل استحصالینا باشلامیشلار
سئل ایله گئده‌ن فیل‌لره هئچ سؤز یوخ.
لحنت آنجاق، کرخانا فیل‌لرینه لحنت!

گلیرلر دلی فیل‌لر
و بابامیز سالدیردیغی بینادا
پاسا بویانمیش
بؤیوک قاپیلار خاریلتیلا آچیلیر.

آچیلدیقجادا قاپیلار
دلی فیل‌لر گلیرلر…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

جنون فیل‌لر

آنیر قوجام
www.ishiq.net

آذربایجان ادبیات و اینجه‌صنعت سایتی