ائو شعری
اولکر اوجقار
دادار-دادار گمیلرین یوللانماسینا باخما
بو شعر ائو شعریدیر
ائو باشماغی کیمی
ائو پالتاری کیمی.
من بو شعرده
باش آچیق دولانیرام گؤرورسن
و سویون اوزونده یئرییب
کئفلی گمیچیلره
مئیوه توتورام.
من بو شعرده
سون بئشیییمیزه
شال توخویورام
سن هامی کیشیلر کیمی
تیلویزیونا باخیرسان
یئلکنلر
یئللنیر
بیز ائویمیزده‌ییک
گمی‌لر یوللانیر
بیز ائویمیزده‌ییک
و بو بیر شعردیر!
یک پاسخ
درین دوشونجه لی و عالی تحصیل آلمیش باجیمیزدان ائله بئله گوزل شعرلر اوموروق. یاشاسین یاخین گونلرده آدینی افتخارلا سسله جگیمیز خانیم دوکتور اولکر اوچقار.