چئویرن: ائلدار موغانلی
ترجمه: ائلدار موغانلی
ائلدار موغانلی

بایراغا چئوریلمیش سحر
ائلدار موغانلی

… آیاغا قالخیب
دریندن کؤکس اؤتوردو؛
یورودو دان یئری‌نین کئچیدینه
سحرین سرین نفسی سیزدی سینه‌سینه…

اوفوقون درینلیگینده-
آچیلیردی بنؤوشه‌نین لای- لای آچیلیشی،
لای‌لالارا قوشولوردو-
تورپاغین گؤزونده چیرپینان یارالی اوچوشو.

حالقلانمیشدی قان بویالی شفق
گونشین بوینونا،
یئر له گؤی آراسیندا
تیکیلی قالمیشدی باخیشی اونا.

سحر، امیزدیردیکجه باخیشلارینی
تامسیندی بئینینده لپه‌له‌نن قیزیلی ایل‌لرینی،
ماوی نیسگیل‌لرینی.
گؤزلرینده گیله- گیله گؤیردی ایشیق قوخوسو،
اوره‌یینده اریم – اریم اریدی گئجه قورخوسو…

دارالدی شفق،
سیخیلدی گونش؛

یاییلدی بنوشه‌نین آچیلیشینا تورپاق بویالی دیلک‌لر؛
دالغا-دالغا دالغالاندی بایراغا چئوریلمیش سحر!
شهریور ۱۳۹۹- تهران

چاپ

یک پاسخ

  1. گؤزل شئعیر درین دویغولو ،توم اعلا شئعیرلرینیز تک ،قلمینیزه ساغلیق حؤرمتلی اوستاد موغانلی جنابلاری?☘
    یئری وار اؤز زحمتلریمدن یئنیدن و دفه لرجه تشککور ائدم ?

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بایراغا چئوریلمیش سحر

ائلدار موغانلی
www.ishiq.net

آذربایجان ادبیات و اینجه‌صنعت سایتی

بایراغا چئوریلمیش سحر

ائلدار موغانلی
www.ishiq.net

آذربایجان ادبیات و اینجه‌صنعت سایتی

بایراغا چئوریلمیش سحر

ائلدار موغانلی
www.ishiq.net

آذربایجان ادبیات و اینجه‌صنعت سایتی