یاناغینی
گونش اؤپور هر سحر،
ساچلارینی
روزگار داراییر هر آخشام،
گؤزلرینده
دورولوق و آیدینلیق،
سینه‌سینده جوشغونلوق؛
اللرینده
یاشیل سیغال،
و بولاق قوخوسو؛
اته‌یینده
قیزیل تارلا؛
ساریشین ساچلارینی هؤرور
آداخلی قیزلار
بولاق باشیندا؛
ماوی گؤزلرینده
هوپوب، قالیر-
حسرت یاشلاری؛
شهید ائولادینین مزاری اوسته
قرنفیل آغلاییر یانیق کرمی.
یک پاسخ
بولاق اوتو قوخوسو دوزگون دور ” اوتو ” دوشوب سهودن