ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

آغ گئییملی ملک‌لر
رقیه علیقلیان

سیــزی گـؤردوم قهـرلندی اوره‌گیم
دردیمـه ســون قــویان عـزیز ملکـیم
یئتمـه‌ســن دادیمـا منـه یئـتـر کیـم؟
نـاســـازلار دادینــا یئتــن پرسـتـــار،
گؤزومون اؤنـونده بیتـن پرسـتــار!

ایره‌لی گل سون سؤزومه قولاق آس
آنــا تـک باشیمــی اؤز بـاغـرینــا بــاس
دردیمه چارا قیل ائل توتماسین یاس
نـــاســـازلار دادینـــا یئتـن پرستــار،
گؤزومون اؤنونـده بیتن پرستــار!

جــان چالیقلیر بو غم توتـان قفسـده
گؤزلریم یول دؤیور قولاغیم سسده
اوره‌ک یــاردیم ایستـیر هر بیر نفسـده
نــاسـازلار دادینـــا یئــتـن پرستــار،
گــؤزومون اؤنونـده بیتــن پرستــار!

آغ گئییم گئییبسن ملک‌لر سایاق
سؤزلرین مرهم‌دیر باخیشین دایاق
دردلی‌لر یاتارکن قالیرسان اویـاق
نــاســازلار دادینــا یئتن پرســتـار،
گــؤزومون اؤنونــده بیتن پرستـار!

آلیشدیم دردایچره سن منه یـاندیـن
دردیمی سؤزومو گؤزومدن قاندین
مکتبیــن یولونـدا ائلیمـه جاندیـــن
نـــاسازلار دادینــا یئتــن پـرستــار،
گـــؤزومون اؤنونده بیتـن پرستــار!

چوخداندیر ائلیمین اولـدوزو باتیـب
غم-کدر هامی‌نین کؤنلونده یاتیب
خـــالقیمین چـاراسی آخیرا چاتیـب
نــاسـازلار دادیــنا یئـتـن پــرستـار،
گؤزومون اؤنـونده بیتـن پرستـار!

جار چکیر جارچی‌لار چاووش‌لار سایاق
چــیخمــایــاق بـایـیــرا ائــولـرده قــالاق
یــاردیمــچی حکیــم‌لـر قاداسـین آلاق
نــاســازلار دادیــنــا یئتـــن پــرســتــار،
گؤزومون اؤنـــونـده بیتــن پرسـتار!

«لاله» بیتــر یـــاز گلنــده چیــمنــده
ائلین دردی بیر خال کیمی سینه‌مـده
سولــدو رنگــی ای وای ائللر دیینده
نـــاســازلار دادینــا یئتــن پــرستــار،
گؤزومون اؤنــونده بیتن پرسـتار!
17/2/99

یک پاسخ

  1. آغ گئییملی ملک‌لرین اللری قوللاری وار اولسون، شاعره لاله خانیمین دا طبعی همیشه ساز اولسون. چوق سودیم و چوق سویندیم. بو شعرین گوزه للیگی، ظرافتی و معنا زنگینلیگی داها یوکسک سویه ده، بوندان علاوه رقیه خانیمن دایره لغاتی و دوزگون آذربایجان ترکجه سینده یازدیغی بو شعر منه بیر جوخ امید وریر کی بیزیم دیل حله ده دیریدیر و حله ده معجزه ائدیر. ساق اواون رقیه خانم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *