شعرلر (۱۲)
سوسن امینی
چئویرن: گولناز
ترجمه: گولناز
گولناز
00:00
00:00

۱
خاطیرن
باهارین تراوتی
و تورپاغین اوره‌یینده
تومورجوقلارین اویانیشی.
سسین
یاناقلاریمین اوستونده بوخارلانان-
یاغیش داملالارینین تزه‌لیگی
و چیچکلرین دوغوش سسی؛
سسین
منی یونگولله‌دیب یئریمدن اوینادان
و یولون سونونا قدر امید باغیشلایان
اولدوزلارین نغمه‌سی.

۲
هر زامان سنی خاطیرلاییرام
و گولوشونون شرابیندان خوشلانیرام.
سن
گوی قورشاغی کیمی‌سن
من ایسه ایشیقلی، سئوینجک.
بو آرادا
بیر سورغو وار:
سن نئجه جان‌سان،
و نئجه جان باغیشلایانسان؟!

۳
گوردوم؛
سحره یاخین گؤردوم باخیشینی
و سئوگی باغچاسیندان
دوداغیندا چیچک‌له‌نن
بیر گولون تبسومونو.
من گؤردوم
سنه یول گؤسترن
گونشین قیزیل شعاسینی
و ماوی باخیشینی.

۴
سنینله
تانیدیم باهاری،
انتظاردا قالدی یای.
آن با آن
سایدیم پاییزی
کدرلریمی گئییندی قیش.

۵
سنین انتظاریندا
غروب‌لا قول-بویون دایاندیم
دایاندیم
دایاندیم…
سنین انتظاریندا
سحرین موشتولوغونا قدر
اومید قاچدی
قاچدی
قاچدی…
آنجاق
چیچک‌لر اویوموشدو
دان یئری سؤکولمه‌دن.

سوسن امینی
سوسن امینی | ترجمه: 
سوسن امینی | چئویرن: 
گولناز
سوسن امینی | ترجمه: 
سوسن امینی | چئویرن: 
گولناز
سوسن امینی | ترجمه: 
سوسن امینی | چئویرن: 
گولناز
اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

شعرلر (۱۲)

گولناز
www.ishiq.net

آذربایجان ادبیات و اینجه‌صنعت سایتی