بوراسی…
رسول ایرانی «آرانلی»
بوراسی، بایقوش‌لار یوواسی!
اؤلوم سیمفونیاسی‌لا اوینایان قوزغون‌لار،
ایچ هاراییندا بوغولان بولبول‌لر،
یارالی دورنالارا یئریکله‌ین –
قورشون‌لار.
بوراسی جان‌سیخیجی شه‌هر!
پاخیل-پاخیل پیلله‌لنمیش بینالار،
گؤزیاشی آل-وئرچی‌لری،
و قاش-قاباغلی توکان‌لار.
آغلاییر…
دامار-دامار کوچه‌لر،
آغلاییر…
سئوگی دیلنچی‌لری
کؤزه‌ریر…،
گنج اوغلانین سیگارئتینده شه‌هر.
یوخلاییب یاناقلاردا
اننیک… ، کیرشان
توولانیر باشیما شه‌هر!
ائهئی گؤزیاشی آل-وئرچی‌لری…!
«بازار اولسون، بازار.»
