یاوروم
میرجمال حسینی(اینجیک)
سنه جان گره‌ک‌سه
آرخایین اول!
گؤزه‌ل آرزولاریمدان قوربان گره‌کدیر‌سه
نیگاران اولما!
یوخوسوز آخشاملاریم گره‌کدیر‌سه
اولدوزلاریملا سنینکی‌دیر!
ایشکنجه‌لر آغری‌سینا وارماق گره‌ک‌سه
منی سئویندیرر!
نهایت
اوره‌ییمی دیکسیندیریب، –
دؤیوندورن محبتدن کئچمک لازیم‌سا
اود وورار باخیشین اوره‌ییمه !
منه اینانا بیلرسن
گؤونجینی یاشادار صداقت
گله‌جه‌یی قورتار قارانلیقلاردان
من سنینله‌یم یاوروم .
۱۳۹۴/۵/۱
