اؤتن قوش‌لار
حسین خوجالی
نییه گؤزلریمین یاشی قورومور
منیم اوره‌گیمین اودو چوخدو کی!
وطنین هیجرینده اؤتن قوش‌لارین
قانادی اولسادا، مئیلی یوخدو کی!
چیرپینیر بوداغدان بوداغا بیر قوش،
توک‌لری داغینیق، گؤزلری نملی.
اؤزگه آغاج‌لاردا بیر یئر تاپسادا
هله ده گئجه‌سی-گوندوزو چنلی.
آل الوان اولسادا قوندوغو باغ‌لار
او باغ‌لار بئجرتمیر خاری بولبولو.
جنت‌دن اولسادا اؤزگه تورپاغ‌لار
غریب ائل اؤلدورور ساری بولبولو.
