کیمه دئییم دردیمی؟!
اکبر حمیدی علیار
هارا دئییم،
کیمه دئییم دردیمی؟!
بورویوبدو کدر منی،
غم منی..
عزیزلریم،
جان-جیه‌ریم یوخ اولوب
چولقاییبدی مصیبت،
ماتم منی…
هارا دئییم،
کیمه دئییم دردیمی؟!
اوروجومو گؤزیاشیملا آچدیم من!
اوباشدانا
ائوده
دوران اولمادی..
دامیمیز تک تیترهدیم من،
اوچدوم من!..
هارا دئییم،
کیمه دئییم دردیمی؟!
بیر آندا
یوخ اولدوم واردان..
های.. هارای…
غریبه دونیایا
غریب کسیلدیم
اوزولدوم یولداشدان،
یاردان..
های.. هارای…
هارا دئییم،
کیمه دئییم دردیمی؟!
کئشگه من ده
بیر خارجی اولسایدیم!..
بوغولمازدی
آه و ناله‌م
سکوتدا،
درد الیندن
دونیایا های سالسایدیم…
هارا دئییم،
کیمه دئییم دردیمی؟!
کئشگه جان وئرسه‌یدیم عرب اؤلکه‌ده!..
یوخ…
اؤزومده گؤردویوم بو بخت ایله
سوریه‌ده غریبلردیم بلکه ده…
یک پاسخ
هارا دئییم،
کیمه دئییم دردیمی؟!
علیار قارداشیم, نیسگیللی آذربایجانیمین اوزونو هر زامان گولر اوزلو گؤره جه ییک اینشاللاه… بوتون آجی لاریمیز, توپراغا, شنلیک لرده خالقیما قاییداجاق.
دویغوسال شعرینیز اوچون ساغ اولاسیز