کیمه دئییم دردیمی؟!/ اکبر حمیدی علیار
چئویرن: ایشیق
ترجمه: ایشیق
ایشیق
00:00
00:00


کیمه دئییم دردیمی؟!
اکبر حمیدی علیار

هارا دئییم،

کیمه دئییم دردیمی؟!

بورویوبدو کدر منی،

غم منی..

عزیزلریم،

جان-جیه‌ریم یوخ اولوب

چولقاییبدی مصیبت،

ماتم منی…

هارا دئییم،

کیمه دئییم دردیمی؟!

اوروجومو گؤزیاشیملا آچدیم من!

اوباشدانا

ائوده

دوران اولمادی..

دامیمیز تک تیتره­دیم من،

اوچدوم من!..

هارا دئییم،

کیمه دئییم دردیمی؟!

بیر آندا

یوخ اولدوم واردان..

های.. هارای…

غریبه دونیایا

غریب کسیلدیم

اوزولدوم یولداشدان،

یاردان..

های.. هارای…

هارا دئییم،

کیمه دئییم دردیمی؟!

کئشگه من ده

بیر خارجی اولسایدیم!..

بوغولمازدی

آه و ناله‌م

سکوتدا،

درد الیندن

دونیایا های سالسایدیم…

هارا دئییم،

کیمه دئییم دردیمی؟!

کئشگه جان وئرسه‌یدیم عرب اؤلکه‌ده!..

یوخ…

اؤزومده گؤردویوم بو بخت ایله

سوریه‌ده غریبلردیم بلکه ده…

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

کیمه دئییم دردیمی؟!/ اکبر حمیدی علیار

ایشیق
www.ishiq.net

آذربایجان ادبیات و اینجه‌صنعت سایتی