ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


قاراداغیم!
ائلدار موغانلی

زامان ترسینه دولاندی

کوله بوغولدو اوجاغیم؛

آلووسوز, توستوسوز یاندی-

ائلیم , اوبام, داشیم, داغیم,

قاراداغیم!
***

چالخالاندی غم دنیزی

طوفاندا قویدولار بیزی

بلا آلدی اوستوموزو

نه نیشانیم, نه مایاغیم,

قاراداغیم!
***

قوللو، قانادلی قیریلدیق

دیری- دیری باسدیریلدیق

بیز، آرخامیزدان وورولدوق

منیم ایگیدیم, قوچاغیم,

قاراداغیم!
***

ماتمینه گولن ده وار

اوره‌یی سؤکولن ده وار

سیناییرام دیار – دیار

کیمدی آرخام، کیم اورتاغیم,

قاراداغیم!
***

زامان یاتمادی یاتیما

غم النمیش حیاتیما

دومان چؤکوب بایاتیما

کدر یاغیر قوشمام، آغیم,

قاراداغیم!
***

“دیل‌غمی”‌نه قوربان اولوم

“کرمی”‌نه قوربان اولوم

المینه قوربان اولوم

منیم سؤز، صنعت اوجاغیم,

قاراداغیم !
***

اود دوشسه ده بینؤوره‌نه

داغ چکیلسه‌ده سینه‌نه

قالخاجاقسان یئنه، یئنه

آی منیم آنا تورپاغیم,

قاراداغیم!

قاراداغیم!

23/05/91 – موغان

4 پاسخ

  1. درين سالاملار ائلدار بي

    سيزينله ايلك گوروشم ،تاسف كي چوخ گئج ال وئردي . شعير دونيانيز چوخ ايستكليدير .
    اللر وار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *