آی بو قیسا یولدان…
شکرانه عالم
کیم بولوت دالیندان احتیراصلانیب
گئچدیگیم یوللارا آی دامیزدیریر
ایشیقلار اووجومدا قایماقلاناراق
گونشه بیر بارماق بال دادیزدیریر
اودورام آغزیمین شیرینلیک‌لرین
ذی‌الجم اولورسان, کعبه‌م اولورسان
من احرام باغلیرام آی ایشیغینا,
خافاخاف ایچیمه سن دوغولورسان
باخیشین کعبه‌نین یارادیجیغی
قارشیندا سجده‌یه دوشه‌نه‌جه‌یم
بلکه ده گونشی اوزومه توتوب
هر گئجه قاپیندا دیله‌نه‌جه‌یم!
دیلنچین من اولسام آی بوتؤولشر
گؤیلرله بیر یوللوق ساغ اول‌لاشاریق
من سنی گؤتورم شیرینلیک‌لره
بورجومو اؤده‌ییب حالال‌لاشاریق
***
داداندیم قایماغا داداندیم بالا
بیلیرسن دادانماق معناسی ندیر!؟
گونلرین ایتیردیم گئجه گوندوزون
گون اورتا چاغیمدا آیلی گئجه دیر!!!
***
اولمایان ایش اولوب آی دلی‌سی‌یم.
یک پاسخ
بسیار عالی افتخار ما