پاییز دیلی / کیان خیاو
چئویرن: ایشیق
ترجمه: ایشیق
ایشیق
00:00
00:00

پاییز دیلی
کیان خیاو

پاییز گلمه‌دن توپلادیم نانا- رئیحان کردیمیزدن
۴۱ نومره‌لی خورمایی باشماقلاریما قویوب
شهریمیزین گله‌جک دورنالارینی قارشیلاماغا چیخدیم
بوزخانا آلمالارینا بنزه‌ییردی آغزیمدا دیلیم
دیلیمده دورنالار اوچون دیزه‌لر.
بیر ده دؤندوم نانا- رئیحان کردیمیزه:
ایلک یارپاغیندان چوروموش اولمالیدیر بو بیتگی
یوخسا…
آرتیق یئنه پاییز گلمیش گلمه‌لیدیر
یالنیز دورنالارین سسی دویولمور
بیر ده باغلاری اوجوندان سولور خورمایی باشماقلار
و هله ده بوزخانا آلمالارینا بنزه‌ییر آغزیمدا دیلیم
دیلیمده آنامین بایات بایاتیلاری!…

۲۸/ ۶/ ۹۶

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

پاییز دیلی / کیان خیاو

ایشیق
www.ishiq.net

آذربایجان ادبیات و اینجه‌صنعت سایتی