عؤمور یولو
رقیه عبدیلی(سازاق)
«حییف عؤمور آدلی بو گؤزل یولو
قانمایاندا گئدیر، قاناندا گئدیر»!
نه یازیق سئودانین یئنیش یوغوشون
آنمایانداگئدیر، آناندا گئدیر!
قورونو یاشلارا قاتاندا بئله،
مردی نامردلره ساتاندا بئله،
گؤزو باخا -باخا یاتاندا بئله
یانمایان دا گئدیر، یانان دا گئدیر!
تانرینین بیر اولوب اولمادیغینی،
کؤنلونه اینامین دولمادیغینی،
سئوگیسیز گول رنگی سولمادیغینی
دانمایان دا گئدیر، داناندا گئدیر!
اینسانلیق نه دئمک، نئجه یاشاماق،
بعضی یاشاییشلار اولور بیر یاماق؛
آغیزدا واردیرسا بیر دادف بیر داماق
سانمایاندا گئدیر، ساناندا گئدیر!
گؤره‌سن مزاردا چیراق یانیر می؟
بیر اوره‌ک سئوگیمدن ایراق یانیر می؟
اسمه‌سه سازاغیم داراق یانیر می؟
جان دئین ده گئدیر، جانان دا گئدیر!
