منه بیر «جمدک» اؤرتویو یئتر…
مژگان صیامی
اوولانمیش «اوو»لارین،
«قان»لی قانادلاریندان دولان «یاسدیق»!
«یاتاق»دا یئرله‌شن قیرخیلمیش «یون»لار
«جنایت» قوخوسوندا قوسولان «اینسان»
آآآ……..ه
تام بیر یییه‌سیز یالان‌دیر «ویجدان»!
محکمه‌سیز مله‌یین بیر «محبوس»…
باخ! دینله‌ییرسینیز…؟!
منیم یاسدیغیم‌دا
«دورنا»لارین اوره‌یی
دورمادان نئجه دؤیونور!
یاتاغیم‌دا ایسه،
دیل‌سیز دولانان دیدرگین «داوار»لار!
سیزه شیرین یوخولار…!
منه بیر «جمدک» اؤرتویو یئتر…
