چئویرن: ایشیق
ترجمه: ایشیق
ایشیق

ایکی چؤرک‌لی فلافل
حبیب یزدانی

من ائلات اوغلویام
و بوتون بابالاریم دا الده فنار
پایلاشاردیلار گئجه‌لرین
اولاشان قوردلارلا!
آمما من
بوتون ییلاقداکی کومه‌لره
و قیشلاقداکی سوواق دیوارلی ائولره
ایسته‌مزکن خائن اولدوم؛
داها منیم سسیمین حاقی یوخدور داغلارا توشسون،
آخی اینجیدر اوجا سس، سللوللاریندا-
منیم آپارتمان قونشولاریمی.
من آتیمی و آتامین قویونلارین ساتدیم کی
نایلون پاکاتلی سوتون صفینده پولسوز دورماییم؛
دوغوردان:
ایندی کی بوتون سورولر
محصور کالاهلاردا
و چپرلی اوتلاقلاردا
و چینه‌لی چمن‌لرده اوتلاییرلار،
احتمالی آج قورد بالاسینا اوره‌گیم یانیر
آخی او بیلمه‌ییر کی اَول اولاماسی
دوربونلی توفنگین آخیرینجی خیلاص گولله‌سین
قانا بویامالی‌دیر…

یوخ- یوخ،
من داها ائلاتلی دئییلم،
بلکه بیر کلان شهرین ازدحاملی خیابانیندا
تکجه بیر سیگارت ساتانام
و گون‌اورتا یئمه‌گیم هر گون
ایکی چؤرک‌لی فلافل‌دیر…
پاییز۸۸

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایکی چؤرک‌لی فلافل / حبیب یزدانی

ایشیق
www.ishiq.net

آذربایجان ادبیات و اینجه‌صنعت سایتی

ایکی چؤرک‌لی فلافل / حبیب یزدانی

ایشیق
www.ishiq.net

آذربایجان ادبیات و اینجه‌صنعت سایتی

ایکی چؤرک‌لی فلافل / حبیب یزدانی

ایشیق
www.ishiq.net

آذربایجان ادبیات و اینجه‌صنعت سایتی