اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

ایکی چؤرک‌لی فلافل
حبیب یزدانی

من ائلات اوغلویام
و بوتون بابالاریم دا الده فنار
پایلاشاردیلار گئجه‌لرین
اولاشان قوردلارلا!
آمما من
بوتون ییلاقداکی کومه‌لره
و قیشلاقداکی سوواق دیوارلی ائولره
ایسته‌مزکن خائن اولدوم؛
داها منیم سسیمین حاقی یوخدور داغلارا توشسون،
آخی اینجیدر اوجا سس، سللوللاریندا-
منیم آپارتمان قونشولاریمی.
من آتیمی و آتامین قویونلارین ساتدیم کی
نایلون پاکاتلی سوتون صفینده پولسوز دورماییم؛
دوغوردان:
ایندی کی بوتون سورولر
محصور کالاهلاردا
و چپرلی اوتلاقلاردا
و چینه‌لی چمن‌لرده اوتلاییرلار،
احتمالی آج قورد بالاسینا اوره‌گیم یانیر
آخی او بیلمه‌ییر کی اَول اولاماسی
دوربونلی توفنگین آخیرینجی خیلاص گولله‌سین
قانا بویامالی‌دیر…

یوخ- یوخ،
من داها ائلاتلی دئییلم،
بلکه بیر کلان شهرین ازدحاملی خیابانیندا
تکجه بیر سیگارت ساتانام
و گون‌اورتا یئمه‌گیم هر گون
ایکی چؤرک‌لی فلافل‌دیر…
پاییز۸۸

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *